ريـمـون سـامـري

كل المعايير بعد سن الثلاثين بتختلف..

هتهتم بمظهرك أه..

بس هتلبس اللي مرتاحله ولو بلبس من ع الرصيف ..

لو كسرت السن وأنت لوحدك بدون ارتباط..

هيبقى صعب أوي تنجذب لأي حد أو تسمح لحد إنه يدخل حياتك إلا لو فعلا خطفك زي ما بيقولوا..

تعريف الصحاب عندك شبه هيتلغي ..

صاحبك هو اللي لما لفيت وشك لقيته في ظهرك لما ضعفت،

لا تقولي قرايب ولا عشرة ولا سنين..

مفهومك عن الحب هيختلف..

لا بقى بالكلام الحلو علشان شبه مبقاش يأثر فيك،

ولا بالقيد والخنقة.. باختصار محتاج إنسان تحس معاه بالراحة والسكينة مش يزيد روحك ثقل..

قرار التخلي عن أي شيء بيحسسك بتوتر..

بيكون سهل جدًا ولو كان عن شخص ما بتحبه،

بس بقى بالنسبالك مصدر اضطراب ويسلب منك سلامك الداخلي..

حتى الحياة العملية بتكون بالنسبالك تحصيل حاصل،

مجرد شيء بيشغل وقتك، لا بقى همك تثبت لحد شيء أو تنول الرضى على حساب راحتك وصحتك..

التأقلم على العزلة والوحدة تقريبًا بقى شيء مفروغ منه،

وعنصر الانبهار شبه انعدم جواك.. بقت كل الحاجات بالنسبالك مجرد لحظات وبتعدي..

فبلاش لما تقرب من حد تخطى الثلاثين،

تفتكر إن انسان سهل المنال وتتعامل معاه بعقليات الطفولة..

لأنه بيكون في مرحلة الوسط ..

المرحلة اللي فيها كل الكفوف والموازين في اضطراب وأول ما بيوصل لسلامه النفسي..

عندوا استعداد يضحي بأي شيء علشان يحافظ عليه..

فخليك أدها لو ناوي تقرب من حد في السن ده!

#ريمون_سامري

فضلًا ممنوع الاقتباس من غير كتابة الهاشتاج

ريمـونہ سامـري